الجهاز الهضمي للأطفال
ممكن نبدأ نعلمه للأطفال من سن 3 سنوات بشكل مبسط
الجهاز الهضمي يبدأ من الفم وينتهى بفتحة الشرج
مواقع للأمهات تقرأ بتوسع عن الجهاز الهضمي قبل شرحه للطفل
نبدأ بتجربة بسيطة
الأدوات
(ملعقة (تمثل اللسان
(طبق(يمثل الفم
قطعة فينو أو أي حاجه طريه
(كيس مثلا كيس ثلاجة(يمثل المعدة
(شراب طويل رفيع (يمثل الأمعاء الدقيقة
(وممكن ده إختياري مع السن الصغير .. شراب عريض (يمثل الأمعاء الغليظة
وصينية
ممكن طفلك تعطيه أي حاجة ياكلها وأنت تبدأي التجربة في نفس الوقت هو هيقطع الأكل بأسنانه ويدخل فمه .. إنت هتقطعيه بيدك في الطبق
هو هيقلب الطعام بلسانه .. إنت هتقلبيه بمعلقة
الطفل عنده لعاب في فمه بيساعده على مضغ الأكل بسهوله .. أنت هتصبي قليل من الماء في الطبق وتقلبي بالملعقة
بعد كده الطفل هيبلع الأكل بمساعدة اللعاب الموجود في الفم
الأكل هينزل في أنبوب طويل اسمه المرئ وتشاوروا عليه للطفل
لحد ما يوصل للمعدة
المعدة بتفرم(بتحوله لقطع صغيرة جدا)الأكل ونعطي الكيس للطفل وهو يفرم الأكل والمعدة بتحتاج سائل اسمه (أنزيمات)لكي تفرم الأكل بسهولة
بعد كده الأكل بيطلع من المعدة يروح للأمعاء (الرفيعة.. الدقيقة) ويبدأ يتعصر
العصير الذي يخرج من عصر الأكل يذهب للدم وهو ده الفائدة من الأكل
وممكن نكتفي بهذا الجزء مع الطفل لو سنه صغير ونطلع الفضلات من الأكل وهو ده الذي يخرج من المستقيم ( البراز
ولو هنكمل ناخد الموجود في الشراب ونضعه في الشراب الآخر ( الأمعاء الغليظة
تقوم الأمعاء بعصر الأكل مره أخرى لاستخراج أي فائدة متبقية في الأكل
باقي الأكل بيخرج من الأكل كفضلات
بعض اللينكات عن الجهاز الهضمي
العديد من الأنشطة على موقع
https://www.pinterest.com/pin/358739926560051994/
ليست هناك تعليقات:
إرسال تعليق